MALAYALAM
വിശ്വാസത്താലെന്നും മുന്നേറും ഞാൻ
വിശ്വാസത്തിൽ എല്ലാം ചെയ്തീടും ഞാൻ
യേശുവിൻ രക്തത്താൽ ജയമുള്ളതാൽ
സംഹാരകൻ എന്നെ കടന്നുപോകും
1 കെരീത്ത് തോട്ടിലെ വെള്ളം വറ്റിയാലും
കാക്കയിൻ വരവതു നിന്നീടിലും (2)
ഏലിയാവേ പോറ്റിയ ജീവന്റെ ദൈവം (2)
എന്നെയും പോറ്റുവാൻ മതിയായവൻ; വിശ്വാസ…
2 എരിയും തീച്ചൂളയ്ക്കുള്ളിൽ വീണിടിലും
വിശ്വാസ ശോധന ഏറിയാലും(2)
അഗ്നിയിൻ നാളത്തിൽ വെന്തുപോയീടാതെ(2)
സർവ്വശക്തൻ ദൈവം പരിപാലിക്കും; വിശ്വാസ…
3 ചെങ്കടലിൽ തൻ ജനത്തെ നടത്തിയോൻ
മാറായെ മധുരമാക്കിയവൻ(2)
വിശ്വാസയാത്രയിൽ കൂടെയിരുന്നെന്നെ(2)
അത്ഭുതമായെന്നും വഴി നടത്തും; വിശ്വാസ…
MANGLISH
vishvasathil ennum munnerum njaan